Laaizom September

 

Zogam LAAIZOM

Estd 2006         Naseih lianpen uh ki-itna nahi sak un.         September 2010

Lai Siangtho (Quran) Halsak ding:- Pastor Terry Jones makaih Dove World Outreach Center, Gainesville, Florida in Al-Qaeda ten 2001 kum a ana sep uh kum (9) cin phawkna in Quran (Muslim Laisiangtho) hon khat hal sawm ci ei.  Pastor pa genna:  Topa Jesu in zong Jerusalem Biakinnpi ah Vanzuak le Sumzong te in niin sak in a om lai tak kua mah zong genkhol lo in a vante paih khiat sak mang in Jerusalem Biakinnpi siangsak hi.  Islam America niin sak hi, America ah a om uh pha mawh lo napi'n  Muslim Thukhun ( Sharia law) te hong zang kei uh hen, ci hi.  Muslim ten zong ih Lan (flag), ih LST (Bible) hong hal sak uh hi.  Tua ahih man 9/11 kum (9) cin na ciaptehna in Quran ka hal ding uh hi ci hi. Thusuak kikkik te ah hal nawnloh dingin genta uh hi. Hih thutawh amaubiakna ten leitungbup in buaipih a Malay ahzong TV en leng naksuaksak mahmah uh hi. Src-Net

Gamdangmi permit/Visa neilo te Hari Raya khit mat kipan ding:- Immrigration ulian khat ahi Datuk Abdul Rahman Othmal in Malay mail te tungah, "Hari Raya (Sept 10-11) khit a kipan Palik, Sipen, Immigration zumtuam tuam kipawlin mun tuamtuam te-ah siansuahna/checking lianpi kabawl ding uh hi, nungin siansuahna neuneu kibawl khin a honkhat kiman khin hi, Company hoihlo 6 zong minhoihlo laibu pi sungah kikhum khin hi" ci-in gen hi. (Kumsim in hih Malay kumthak khit ah siansuahna kimat a om den mah hi a, lauluat dingzong hilo napi'n kidop zawdeuh ding kisam hi. Pawlkhat bang hih kumthak kim teng nasep khawl phot in kidawm uh hi. Card neita hang ci-in vakvak ngam huai tuanlo pawlkhat contact ngahlo-in sawt veipipi mah Thong/Camp sungah tangcip thei hi.)

Kiteelna ka susia dinguh hi ci-in kipawlkhopna DAB in gen:- 2010 kiteelna pen 2008 thukhun tawh kizui ding ahih manin suksiat theina namkim zangin kasuisa ding hu hi ci-in Thei gamgi a kibawl mi 44 thukikupna pan August 21 ni-in kipsak uh hi. Tua kipawlna sung ah KNU, ABSDF cihte akipan kipawlna vekpi 25 kihel hi. Src-Mizzima

Me piakna mun ah pailo/pialo-in ki omthei lel cih kiteelna thukhun ah om:- Tutung Nov.7.2010 kiteelna pen a pianuam lo te-in pialo in ki-om lel thei hi, tuatawh thuhong kizon nopleh kiteelna thukhun ah a om sa ahi hi, ci-in Daw Su in July khasung in gen hi. Src-Mizzima

Mi 5000 kitom Johor Bahru ah:- Johor Bahru, Tebrau ah Nepal nasem mikhat Zato puakhak lua ahih manin apuak ciang si hi. Tua thutawh Boss ten nasem te hongkinlo hi cih  tawh kisai Burma, Nepal,Bangladesh, India mi 5000 nai 7 sungbang niin bungte lawnin kitom a, palikte atun ciang kiphelh zo pan hi. Ahi zongin akitheihkik ciang tua cina ten Boss te nakolo dan hituak zaw hi. Thuriza news Sept 1,

Kawlgam in Nuclear akisap leh bawl ding:- Kawlgam in Nuclear galvan akisap leh bawlding hi, ci-in Kawlgam setvan makai 1na ahi U Taung in Naypidaw setvan sinna khatah Aug 11,2010 in gen hi.RFA

Pasal 5000 val tawh kalum khawm hi ci-in nuamlai deep:- Britain mi ahi kum 25 Nikkili in "kum 15 kaphak nungak siangtho kahih nawnloh akipan pasal 5000 tawh kalum khawm hi. Khat veivei zankhat pasal 4 tawh kalumkhawm hi, kalupkhawm pih tepen kei ciangtan na-ah 1-zineilo tangval hiding,2-zangtuam azang pasal hiding cih hi, tua thunih tawh akituak  pasal te kalungkimsak mahmah zo lai hi" ci mawk zawzen ei. Src-Thuriza Sept 1, p-22(OMJ)

 Buukpawi kibawl ding :- Judaism minamte ngeina ahi Tabranicle ( Bukpawi) pen Zomite sung pan pawlkhat ahi Yahweh pawlpite in  Sia Langh Za Mang makaih natawh  Pa Song Ngaih Khai innTedim ah September kha khalik ni akipan in ki pan ding hi. Ni Sagih sung kibawl ding a, tua lai ah na nuntakna tui kipia ding hi cih Yahweh pawlpite kiang pan in ki za hi. Src-net

Zum vaite makai(kipawlna) tetungah dawp tangtang huai hi:- Zomi te in izum vaite kipawlna zumte ah idawp zel keileh zumpi pan in, phone lah kisialo, lah hongkisam lo napi'n contact ngahlo sazian sungah imin naki hel pahpah hi. Hong kimangngilh maw, amau mi ahih loh mana sapsak lo lel maw cihkhat hi-in um ing. Khatvei kisotto leh khatam pipi ngakkul ahih manin hoihtak kan tek ni. Laaizom editor

TCF Kikhop- September 10-12, 2010-Nitak thum, CMBC Biakinn pi ah TCF Biakpiak khopna kinei a Speaker- Rev. Go Za Nang hi. Sinna tawh Lai Siangtho sang kician pan Doctor ngahte Pahtawina kinei hi. Doctor ngahthak  a kingah nailote, hong zasak unla, kikhop kikteh pahtawina kipia kik ding hi.  Src-TCF makaipi
Nasem ding mikisam- Seafood(Tuipi annsai) a sem ding mi 5 kisam, nasep hun 3pm-1am, pute tawh eileh ei khasum kiho ding--------- Nasem ding ami om hi- Coffee phiau thei, Anbuk sem thei, setzung sem thei, nasep naseih a, nasem mi nakisam zongin hih Laaizom tawh naki zomin,

 contact-laaizomaw@gmail.com, phone- 0172770181

Adah tetawh Laaizom Dahkhawm

Pu Neng Khua Vungh:- Zo Khai ii pianna Pa ahi  Neng Khua Vungh (Suah Nimit 13 Feb 1929) Laaitui Khua, Tedim Khuapi-huam, Zogam ah Ama' cin tuute leh atate hong nusia-in 29/8/2010 Nitaak Nai 7.30 (Kawlgam) hun pan-in Ama' Naseppu ahi ZEISU' kiang zuan-in Daihna sungah Tawlnga-hi. Aamu innkuan tawh kibangin Laaizom pan idah khawm  hi. (Zo Khai pen Malaysia Camp sung kum 1 val a  om sungin I sanggam te leh ei Zomi te ii UN ngahdan kilamdang lua hih manin, tuapan kipan toto  ZAM pian nading/ Zomi tampi UN ngah nading  aphuulna bulpi khat ahi hi. )

KI HUUTNA DING   by- Laaizom Laihawm

Palik ten hongsit zeenzen leh:-Awkhum leh gamtat hoih tawh UN mi nahihna card/laidal/kipawlna card te laksiam in. laubawl dingl, heh bawl ding hilo hi. (Nasep nanei phial zongin nasepna sung or hongmat theih nading uniform/sai puan te napuak kei nakleh nasep neilo mah                     

siangpen kha ding hi.)

• Hong mat sawm veve leh bangthu tawh hongman cih dong hamtang inla UNHCR/nakipawlna zum/na innkuan muante tungah 1.na UN nambat, 2. Hongkimat na mun, 3.Hongluutpih na palik zum leh veng, 4. Hong kimat hun. * Ahih theihleh hongman palik te ii puanip tunga min/body nambat/ mawtaw nambat/cycle nabat te lotngah sawm in/cianmteh in.

Palikten na pumtung hongsit leh:-Numeite numei palik bekin zawt/sit thei cih thei gige in, hong zawt/sit ciang napumtung a thupi ahi nakalkawm/nawite sawk theih nading thu  neilo hi.

l      Palik ten na van/ip/Bag tesung hong check sawm leh amau check sak kenla, keiman honglak ning ci-in la navan te abanban in lakhia in. Na lakkhiat vante ii minlo kawm in..Gtna:-tawh, phone, puan cihdan in... navante abeiciang beita cih na thungip lehbut inla beng kheukheuh in.

l      Hong check/sit na ah guaktanga omsak theih nading thu neilo uhhi, azenzen a guaktang a hongom sak teitei sawmleh 1.Nialin, 2.Tua hong omsak pa ii min leh body nambat te ciamteh hamtangin, kikhia kik thei hi.

Gilbeem natun zenzen leh:- Sitni (Lawyer) kawm theih nading/sapkhuan om hi. UNHCR donghu phone 012-630 5060 or thutawh kisai honghuh ding lawyer/sitni lamte 03-2691 3005 ah kizop zawh ding sawmin, ngenin.

u    Thu hong kidong dinga nang dawn kikna hongkingai  ding hi, tua hongdong palik pa min leh za(Bawk bangzah etc) te ciamteh in,

u    Thu hong dot ciang dawnloh phamawh khin cihbanghilo a, dawnglo-in ki om theilel hi. Namin UN card sunga, nakum, na omna(address) leh nasep neihleh neihloh te bek genloh phamawh hi.  Na dawndawn a leh tuathute thukhenzum ah tetti honghi suak thei ahih man in tampau hoihlo zaw dan hi. 

u    Palik ten nalungkim lohpi laidal tungah lungkimna laigelh/sign te hong gelhsak sawm leh niallel in, nannial zawh kei aleh tua min gelh nading ah "hihmun khialhi or lungkim keng" ci-in kawllai tawh ahizongin kigelh thei hi. (munkhat peuhpeuh ah min nathuh dingciang atung a kigelh laite tel masa in, natel keh donglel in).

u    Palik ten gilbeem sungah ni 14 sang a tamzaw hong koih nopleh thukhenzum te ii phalna ngah kul hi.

u    Palikten hongkhah leh hongkhah ding or thukhenzum hongpuak ding or Immigation hongpuak thei.

u    Gilbeem natunga Thongpi/Camp natung zongin palikte'n navante apua ah ciaptehna hongbawlsakin hongkep sak ding hi. (akam phaten ngahkik, angahkik lo zong tam hi.)Gilbeem sungah na om sungin puan/niik khatta bek kisilh thei hi.

Thukhenzum sung ah:--Thukhen zumah thu hong kikhen dingciang, thukhen/thusit nathuak na UNHCR zum/kipawlna zum/ nalawm muante nazaksak theih nading thukhen mangpa tungah ngenin.

Ø      Bangmawhna tawh kiman/kisit/ thukikhen cih theih nading kidong thei hi. Sitni khat ii honghuh ding kisam ing or thutawh kisai kikuppih 03-26913005 pan huhna kisam ing ci-in ngenin.

Ø      Kamphen dingzong ngenin. Banghun bangthu tawh ahi zongin UN ngah nailo UN mi ut nahih leh Immigration te ii hongmawhsak na(Beem tawh om) thu khial-ing ci-in gen ngeikei -in.(Nidangin Camp pan gamgi puak pahpah ahih manin pawlkhatin apua ut zaw ahih manin khial-ing ciaziauziau nuamzaw, khial-ing acih khitciang thu kikhen thei pan)

Ø      Thukhen zumah nang hongmawhsakna tawh kisai thubu file nambat dongin, ahih theih leh file copy ngenin.

Ø      Thu hong kihkhen khitciang Thongpi hong kipuak thei or Sum liau ding or Ciangduai tawh saat thuak ding hithei hi. Ahithei zahin nangtungah a ol pen thu hongkhen nading thuumin, Ciangduai tawh saat nangah loh nading thum kik kik in.

Ø      Thukhenmangpa tungah UN mi nahihna theisak kik kik in, Na dinmun genin...( Gtna: Nasep neilo/summuhna neilo Innkuan naupang 4 le 5 ii pa/nu/u nahihna. )

Camp sung natun zenzen leh:--Camp sungpen mawhna nei nawnlo gamdangmi te agam apuakma akikoihpakna mun dinga kibawl ahi hi. Ahi zongin tuhun ciang thutam ahih manin gamgi kipuak pakpak nawnlo hi. Etkak-UN pan kihawm kihuutna

*Gilbem/Thongpi/ Camp sungpan  kimuh pihnop sapnop naneih leh Thongpi/Camp sunga 1.na body nambat/namin, 2. Na omna innpi block cihte hongpai dingte tungah zasak masa in.

*(I theihloh manin kithuak khathei ahih manin atheilo te ading deihsak na hi- Na inn kawmpang ah belh lecin itel mahmah ding kisam hi. Deihsakna tawh -Laaizom Editor)*

 

--
www.zomihing.co.cc