Father's Legacy (Happy Father's Day)

Kumsimin June kha ni-pi thum na pen PATE’-NI (Father’s Day) ci-in leitungin ciam teh ahih man in tua ni pen Pa te’ ZAHTAKNA leh PAHTAWINA aki piak ni ahi hi.

Ka PA ka it hangin ka NU ka it zaw hi cih ih neu lai in Zolai bu sungah hong ki sinsak pah phot ahih man in tuni dongin ta te in PA te sang NU te ki it zaw cih ei Zomi te ngaih sut na ah aki gen lo lah a hi thukhat om den hi.

Cost of Love: Father's Day vs. Mother's Day Spending cih lai bu sungah leitungah kum sim in $15.8 billion Nu te’ ni ading aki zat hangin Pa te’ ni ah $ 9.9 bek ki zang cih thu ih ngaih sut ciang ih Zolai bu sung a ih sim dan mah zong leitung aki zang toto dan hi cih zong ki mu thei hi.

Bangbang ahi zong ih thulu FATTHWER’S LEGACY ih cih bangin PATE’ hong nusiat letsong/Gamh pen namnih om a khat in ih muh theih a hi inn leh lo-neihsa/lamsa leh pilna/siamna te hi in a nih na in mit a ki mu thei lo kha thu tawh ki sai- nuntak tawntungna thu a hi hi. Tua thu tawh ki sai in LST in bangci dan in hong lamlak cih tawh ki kum ni.

II kings 2:1-18 sung ih et ciang in Elijah leh Elisha te aki kehn dinghun uh hng cing ta ahih man in Elijah in Elisha kiangah “Nang kiang pan hong ki lak khiat ma in nang a dingin bang hong hih sak thei ding ka hi hiam? (Tell me, what can I do for you before I am taken from you?") a cih bangin Pa te in zong ih tu ih ta te a hi khangthak te kaingah kong nuasiat theih ding bang om thei ding ahi hiam ci-in ih dot ding thupi in ka ngaih sun hi. Tua banin Elijah in Elisha kiang adot cingin Elisha in “na vang liatna zah nih hong luahsakin” (Let me inherit a double portion of your spirit) ci-in a nget man in Pasian na lamdang sepna tampi Elisha tungtawn in ki mu thei hi.

Tu in FATHER’S DAY ih lungngaih kawm in PATE in ih khangsawn ta ding ih nusiat theih ih gamh/letsong lian pen in neih leh lam –min leh zate hi masa lo in Pasian tawh a khang akhang in a tawnkhawm sak te ih suah zawh na ding deih na ahi hi. Israel mi te in Jordan gun akan tan zawh uh ciangin Jordan gun sung pan a lak un suang tum 12 te put in “ Hih sungtum te bang acih nop na hiam( What do these stones mean?) cih khang sawnsawn te-in a theih na ding uh a deih na ahih mah bangin tu tung PATE NI in zong hih thu te mah ih ngaih sut kawm ding lung gulh na tawh kong gel a hi hi. (Hih Article pen ZLT-Japan pan ka hawm uh May, 2012 issue a hi hi)

"Happy Father's Day"

All the best,
 Dr. Khup Lian Pau (Tokyo)