Monday, October 18, 2010

Fwd: KUM 3 THONG KIA DINGIN THUKHEN




A beisa kum 4 lai in US atung i sanggamnu Nunu Sung (Kum 25) in kamsiatna / kikepkhialhna hang tawh lawmta (Zawlta) a neih khakna tawh kisai thubuaina hangin US Thuneite in kum 3 sung Thong kia dingin thukhenna nei uh cih kiza hi.

 

Kum thum thong tang dingin thukhente in a pulak khit ciangin Nunu Sung in nung kum aa asimtham-a suakin a paih atano deihkik peuhmah hi. Kawlgam pan gambel ong pai Nunu Sung paih nau pen kha 16 pha khin ta-a zato nasemte in kem uh  a, amin Joshua phuah uhi. Kumpi sitnite in a ta ii nu hihna pan atatsat nading ciang dong thu zonglo dingin thukim uhi.

 

Sung in abeisa Aug 2009 akipan Nipi kaal simin atapa kiang a hawh theihna ding thu kipia hi. Sung in ka khia mah hi ( Khial hi'ng) cih kithei-a thong tang ding a thukim manin US ah om suak thei ding bekthamlo in a tapa tawh kizomkik thei suak hi. Sung pen Armahkhan a ngah ma-in thong sungah kum khat val tang kha hamtang ding ahi hi. A thongtan sung a ta tawh akimuh theih ding bel kician nailo ci hi. Thukhen zum sungah khitui naptui tawh thukhen mangte thukhenna ngai-in " khial mah ing " ci'n khamphen tungtawnin pulakkhia hi.

Tuma kum 4 lai in US tunga Texas ah a om laitakin naupai (gai) ahimanin Feb 2009 in Wheaton ah kituah(piang)a a tanaute tawh omkhawm hi. A hi zongin a ompih innteekte kiangah a gai lam genlo hi. Nau asuah ding ciangin a omna apartment panin nai tam khomkhat mah mang dildel-a, a inntekte kiang lamsiau va pai ning ci'n gen hi. Jun 12, 2009 ciangin a inntekte in Sung ong tungkiklo ahimanin palikte kiang zaksak uhi-a, ahizong palikte in tua apartment sung mah ah Sung mu uhi.

Palikte in Sung kiangah thu a dot laitak mahun a innvengte khat in a inn gei-a sawlbuk nuai-a akap keukeu Sung ii nau suaktung aguaktang in alam ( nau inn) tawh  om laipi-in mu uhi. A pat lamin Sung in nial thapai hi mah leh a tawpna lamah im zo nawn loin nau suak tung pen ama mah ahih lam genkhia hi.

Source by - Chicago Sun-Times 




No comments:

Post a Comment